काठमाडौं । प्रधानमन्त्री केपी शर्मा ओलीले अर्थमन्त्रालयको जिम्मा विष्णु पौडेललाई दिएका छन्। डा. युवराज खतिवडा बाहिरिएपछि प्रधानमन्त्री आफैंले सम्हालिरहेको अर्थमन्त्रालय पौडेललाई जिम्मा लगाएका हुन्। ओली पहिलोपटक प्रधानमन्त्री हुँदा पनि २०७२ असोजमा पौडेल अर्थमन्त्री बनेका थिए।
अर्थमन्त्री बनेका पौडेल निजी क्षेत्रमैत्री मानिन्छन् । कोडिभ १९ ले अर्थतन्त्रमा गम्भीर असर पारेका बेला उनका लागि आगामी कार्यकाल सहज भने छैन ।कोरोनाका कारण गरिएको लकडाउन र त्यसको असरका कारण आर्थिक वृद्धि ऋणात्मक हुनसक्ने अर्थविद्हरुले बताइरहेका बेला अर्थतन्त्रलाई सही दिशातर्फ लैजान उनलाई चुनौतीपूर्ण हुनेछ ।
त्यसो त जलस्रोत मन्त्री बनेका बेला उनले लामो समयदेखि पुनरावलोकन नभएको विद्युत खरिद सम्झौता व्यवसायीको माग अनुसार चलाएका थिए। अर्थ मन्त्रालयको नेतृत्व गर्दै गर्दा पौडेलमाथि बजेटको कार्यान्वयन गर्ने चुनौती छ।
