मकवानपुर । मकवानपुर जिल्लामा आज विहानै १ सय १४ जनामा कोरोना भाइरस संक्रमण पुष्टि भएको छ । संक्रमित भएकाहरु सबै भन्दा धेरै हेटौंडा उपमहानगरपालिका क्षेत्रका छन् । आज ५७ महिला र ५७ पुरुषमा संक्रमण पुष्टी भएको उपमहानगरपालिकाका जनस्वास्थ्य निरिक्षक भोला चौलागाईले वताउनुभयो ।
असोज २८ गते संकलन गरिएको स्वाबको हेटौँडा–१० मा रहेको किटजन्य रोग तथा तालिम केन्द्रमा गरिएको १ सय ९७ जनाको परीक्षणमा १ सय १४ जनामा कोरोना पुष्टि भएको चौलागाईंले बताउनुभयो । यो सगै जिल्ला कोरोना संक्रमितको संख्या २१८४ पुगेको छ ।
