धादिङ । नेपालमा कोरोना संक्रमितको संख्या १ लाख २९ हजार ३ सय ३७ पुगेको छ । आज देशभर बिभिन्न स्थानमा गरिएको परिक्षणमा थप ३ हजार १ सय ६७ जनामा कोरोना संक्रमण पुष्टि भएको स्वास्थ्य मन्त्रालयका प्रवक्ता डा।जागेश्वर गौतमले बताउनुभयो ।
हिजो शुक्रबार ४ हजार ३ सय ९२ जनामा कोरोना भाइरसको संक्रमण पुष्टि भएको थियो । सङ्क्रमितमध्ये पछिल्लो अपडेट अनुसार २४ घण्टा भित्र १ हजार ८ सय जना डिस्चार्ज भएसँगै ८९ हजार ८ सय ४० जना संक्रमित निको भएर घर फर्किएका छन् ।
देशभर २४ घण्टामा १५ हजार ४ सय ३८ जनाको पीसिआर परिक्षण गरिएको डा गौतमले बताउनुभयो । अहिले देशभर ३८ हजार ७ सय ३७ सक्रिय संक्रमित रहेका छन् भने ४ हजार ७ सय १५ जना क्वारेन्टाईनमा रहेका छन् ।
