फाइल तस्विर
धादिङ । दसैंमा घर जानेहरुको बसपार्कमा केहि चहलपहल भएको छ। विगतका वर्षमा चाडबाड मनाउन घर जाने यात्रु बसपार्कमा खचाखच भए पनि यसपालि भने तुलनात्मक कम यात्रु देखिएका छन् ।
विश्वव्यापी रूपमा फैलिएको कोरोना भाइरस कोभिड १९ को सङ्क्रमणका कारण ६ महिना बन्द रहेको सार्वजनिक यातायात एक महिनायता खुलेको हो । अहिले घर फर्किन बाँकी रहेका यात्रुहरु काठमाडौंका बसपार्कमा पुगेका छन् । यसअघि सुनसान देखिएका बसपार्क क्षेत्र अहिले चहलपहल बढेको छ ।
विगतका वर्षमा दसैंको समयमा बसपार्कका रूपमा रहेको गोंगबुस्थित नयाँ बसपार्क, कलंकी, कोटेश्वर, बल्खुलगायत क्षेत्रमा टिकट नपाएर यात्रु घण्टौं बस कुरेर गन्तव्यस्थलसम्म पुग्ने गरे पनि यसपटक त्यस्तो समस्या नरहेको यात्रुहरु बताउँछन् ।
