धादिङ । धादिङमा पछिल्लो २४ घण्टामा थप ५ जनामा कोरोना पुष्टि भएको छ । थपिएका संक्रमितहरु धादिङको धुनिबेशी नगरपालिकाका २ जना, बेनीघाट रोराङ गाउँपालिकाका २ जना र नीलकण्ठ नगरपालिकाका १ जना रहेको स्वास्थ्य कार्यलय धादिङका हेल्थ असिस्टेन्ट मिलन रिजालले जानकारी दिनुभयो । यससँगै जिल्लाभर जम्मा संक्रमितको सङ्ख्या १ हजार १ सय ९५ पुगेको छ ।
यस्तै आज बिहिबार थप १ सय ५ जना संक्रमण मूक्त भई डिस्चार्ज भएर घर फर्किएका छन । यो सँगै निको हुनेको कुल संख्या जिल्लामा ९ सय ७९ पुगेको हेल्थ असिस्टेन्ट रिजालले बताउनुभयो ।
