धादिङ । पछिल्लो २४ घण्टामा देशभर ११९७ जना कोरोना संक्रमित थपिएका छन्। यससँगै हालसम्म देशभर कोरोना संक्रमित हुनेको संख्या २१०९७३ जना पुगेको छ।
स्वास्थ्य तथा जनसंख्या मन्त्रालयका अनुसार हाल मुलुकमा ३३,३७९ जना कोरोनाका सक्रिय संक्रमितहरू रहेका छन्। मन्त्रालयका अनुसार पछिल्लो २४ घण्टामा २,९३४ जना संक्रमित निको भएका छन्। यससँगै हालसम्म मुलुकमा कोरोना संक्रमित भएर पनि निको हुनेको संख्या १,७६,३६४ पुगेको छ।
हाल मुलुकमा १,०१३ जना क्वारेन्टिनमा रहेका मन्त्रालयले जनाएको छ। आज ४,८३२ वटा नमूनाको पीसीआर परीक्षण भएको छ। हालसम्म देशभर १६,१३,९११ वटा नमूना पीसीआर परीक्षण गरिएको मन्त्रालयले जनाएको छ।
