धादिङ । धादिङमा पछिल्लो २४ घण्टामा थप ३ जनामा कोरोना संक्रमण पुष्टि भएको छ । आज बिहिबार धादिङको थाक्रे गाउँपालिकाका २ जना र धुनिबेशी नगरपालिकाका १ जनामा कोरोना पुष्टि भएको स्वास्थ्य कार्यालय धादिङका हेल्थ अस्स्टिेन्ट मिलन रिजालले बताउनुभयो । यससँगै जिल्लाभर जम्मा संक्रमितको सङ्ख्या १ हजार ३ सय १० पुगेको छ ।
यस्तै संक्रमितहरुमा बिहिबारसम्मको तथ्याङ्क अनुसार निको हुनेको कुल सङ्ख्या १ हजार १ सय ५४ पुगेको हेल्थ अस्स्टिेन्ट रिजालले बताउनुभयो ।यस्तै जिल्लामा अहिले सक्रिय केशको सङ्ख्या १ सय ३३ जना रहेका छन् । धादिङमा कोरोना संक्रमणबाट ज्यान गुमाउनेको सङ्ख्या १५ पुगेको छ ।
