धादिङ । आज देशभर थप १ हजार ६६९ जनामा कोरोना संक्रमण देखिएको छ । यससँगै, कुल संक्रमितको संख्या २ लाख २० हजार ३०८ पुगेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा थप ५ हजार ६९९ जना डिस्चार्ज भएका छन् । योसँगै कोरोना मुक्त हुनेको संख्या १ लाख ९९ हजार २४ पुगेको छ ।
यस्तै, आज थप १६ जना कोरोना संक्रमितको मृत्यु भएको छ । यससँगै, मृतकको संख्या १ हजार ३२१ पुगेको मन्त्रालयले जनाएको छ । हाल देशभर १९ हजार ९६३ जना सक्रिय संक्रमित रहेका छन् ।
