धादिङ । कोभिड–१९ सङ्क्रमणका कारण धादिङकी थप एक महिलाको मृत्यु भएको छ। मृत्यु हुनेमा धादिङको निलकण्ठ नगरपालिका ४ की ५४ वर्षीया महिला रहेको स्वास्थ्य कार्यालय धादिङका हेल्थ अस्स्टिेन्ट मिलन रिजालले बताउनुभयो ।
ब्रेन ट्युमरको समस्या रहेकी ति संक्रमित महिलाको काठमाडौँ स्थित अन्नपुर्ण न्युरो अस्पतालमा निधन भएको हो । यससँगै धादिङमा कोरोना संक्रमणबाट ज्यान गुमाउनेको सङ्ख्या १६ पुगेको छ ।
त्यसै गरी पछिल्लो २४ घण्टामा थप ४ जनामा कोरोना संक्रमण पुष्टि भएको छ।आज बिहिबार धादिङको नीलकण्ठ नगरपालिका वडा नं ४ का २७ बर्षिय पुरुष,थाक्रे गाउँपालिका वडा नं १ का ५५ बर्षिय पुरुष र बेनिघाट रोराङ गाउँपालिकाका ३८ बर्षिय पुरुष र काठमाडौमा मृत्यु भएकी निलकण्ठ–४ की ५४ वर्षीया महिलामा कोरोना पुष्टि भएको हेल्थ अस्स्टिेन्ट रिजालले बताउनुभयो । यससँगै जिल्लाभर जम्मा संक्रमितको सङ्ख्या १ हजार ३ सय ८० पुगेको छ।
