काठमाण्डौँ । बागमती प्रदेशका आन्तरिक मामिला तथा कानुनमन्त्री शालिकराम जमकट्टेलले प्रधानमन्त्री केपी ओलीलाई पाँच वर्ष निरन्तर सरकार सञ्चालन गर्न कसैले नरोकेको बताएका छन् । पार्टी र सरकार दुवैमा आफ्नो रवाफ कम हुँदै गएपछि ओलीले आवेगमा आएर कदम चालेको मन्त्री जमकट्टेलको भनाइ छ ।
यसैगरी ओली व्यवस्थाविरोधी र अस्थिरताको मतियार भएको समेत उनको आरोप छ । अहिलेको व्यवस्थाप्रति जनतामा अविश्वासको सिर्जना गराउने काम भएको भन्दै उनले यो संविधानविपरीत रहेको दाबी गरे ।
