कविता
हामीले जंगबहादुर बेच्यौँ,
त्रिभुवन बेच्यौँ,
महेन्द्र बेच्यौँ,
स्वदेशमै ब्यापार सिक्यौँ ।
अलिक जान्ने भएपछि
बीपी बेच्यौँ,
गणेशमान बेच्यौँ,
गिरिजा बेच्यौँ,
वैदेसिक ब्यापार जान्यौँ ।
पुस्पलाल, मदन, मनमोहन,
हाम्रो दोकानबाटै बिक्री भए ।
झण्डै एक दशक प्रचण्डलाई बेच्यौँ ।
मलाई विश्वास छ,
हामीले एकदिन केपीलाई पनि बेच्नेछौँ ।
बिप्लव, प्रचण्ड, माधव,
बाबुराम, महन्थ, उपेन्द्र
एकदिन फेरि बिक्री हुनेछन् ।
देउवा, रामचन्द्र पनि बिक्लान् ।
राजनीतिलाई ब्यापार बनाउन,
हामी खप्पीस भैसक्यौँ ।
हाम्रो ब्यापार जिन्दावाद !
सोहम सुबेदी
धुनिवेशी, धादिङ
हाल : काठमाण्डौँ
