धार्के,धादिङ । प्रयास नेपाल धादिङले इँट्टा उद्योगमा काम गर्ने मजदुरका बालबालिकालाई शैक्षिक सामग्री र टिफिन बक्स वितरण गरेको छ । सोमबार बेटर ब्रिक नेपाल कार्यक्रम मार्फत प्रयासले धुनिबेशी नगरपालिका वडा नं। ६ मा रहेको जाल्पादेवी ईट्टा उद्योगमा काम गर्ने मजदुरका बालबालिकालाई ईट्टा उद्योगमा बालश्रम उन्मुलन गर्न,कामदारहरुका बालबालिकाहरुको पढाईलाई निरन्तरता दिन बिद्यालय अध्ययन सहयोग सामाग्री सहयोग गरेको हो ।
जाल्पादेवि ईट्टा उद्योगका उद्योगी सञ्जय नकर्मिको प्रमुख आतिथ्यता तथा अभिभावकको उपस्थितिमा १२ जना बालबालिकाहरुलाई शैक्षिक सामाग्री वितरण गरिएको परियोजनाका फिल्ड संयोजक सुनिता कडेलले जानकारी दिनुभयो । ईट्टा उद्योगको समग्र रुपान्तरणका लागि सञ्चालन गरेको बेटर ब्रिक नेपाल परियोजनाले धादिङ जिल्लामा रहेका ईट्टा उद्योगमा कार्यरत मजदुरका बालबालिकालाई बिद्यालय अध्ययन सहजताको लागि सहयोग गर्दै आएको छ ।
जिल्लामा बेटर ब्रिक नेपाल कार्यक्रम संचालन भएको ३ वटा ईट्टा उद्योगको विद्यालय जाने उमेरका बालबालिकालाई विद्यालय भर्ना गरेर आवश्यक शैक्षिक सामाग्री ९कापी कलम, पेन्सिल, कटर, ईलेजर, झोला, ड्रेस० प्रदान गरेको छ । यसैगरी जाल्पादेवी र एभरेष्ट ईट्टा उद्योगमा विद्यालयमा जाने उमेर नपुगेका बालबालिकालाई ईट्टा उद्योग नजिकै प्रारम्भिक बाल विकास तथा शिक्षा केन्द्र संचालन गरि खाजा कार्यक्रम अन्र्तगत ३० जना बालबालिकाहरुलाई टिफिन बक्स समेत प्रदान गरिएको परियोजनाका फिल्ड संयोजक कँडेलले जानकारी दिनुभयो ।
