महादेबबेशी । धादिङको थाक्रे गाउँपालिका -११ को बालुवा फाँटमा आज (आईतबार) रक्तदान कार्यक्रम भएको छ । मिलिजुली महिला बचत तथा ऋण सहकारी संस्था लिमिटेडको १३औं स्थापना दिवसको अबसरमा आयोजना गरिएको रक्तदान कार्यक्रममा ७३ जनाले रक्तदान गरेका छन् ।
रक्तदान कार्यक्रममा ४७ जना पुरुष र २६ जना महिलाहरुले रक्तदान गरेका गरेका छन् । रक्तदान गर्नुहुनेमा सहकारीका पदाधिकारी,समाजसेवीहरु, महिला समूह, शिक्षक, युवाक्लब र विद्याथीहरु रहेका छन् ।
रक्तदान कार्यक्रम आगामी दिनमा समेत आयोजना गरिने सहकारीका अध्यक्ष उर्मिला रेग्मी रुपाखेतीले बताउनु भएको छ । सानो सहयोगले कसैको ज्यान बाँच्छ र पुर्नजीवन पाउने भएकाले रक्तदान कार्यक्रमको आयोजना गरिएको सहकारी संस्थाका अध्यक्ष रेग्मीको भनाइ रहेको छ ।
कार्यक्रममा नेपाल रेडक्रस सोसाइटी रक्त सञ्चार केन्द्र धादिङको प्राविधिक सहयोग, थाक्रे युवा परिषद थाक्रे ११ को समन्वय रहेको कार्यक्रमा रेडियो राजमार्ग ९२।१मेगाहर्ज सञ्चार सहयोगीको रुपमा रहेको थियो ।
