काठमाण्डौं । प्रधानमन्त्री केपी शर्मा ओली बिर्तामोडमा निर्मित पूर्वाञ्चल क्यान्सर अस्पतालको उद्घाटनका लागि मंगलबार झापा जाँदै छन् । उनी गत आइतवार पनि आफ्नो निर्वाचन क्षेत्रका विकास योजना उद्घाटन र शिलान्यासका लागि झापा गएका थिए ।
अस्पतालका कार्यकारी प्रमुख दुर्गा प्रसाईका अनुसार अस्पताल उद्घाटनका लागि प्रधानमन्त्री ओलीसँगै संविधानसभा अध्यक्ष सुवास नेम्वाङ, गृहमन्त्री रामबहादुर थापा, स्वास्थ्यमन्त्री कृष्णगोपाल श्रेष्ठ, पर्यटनमन्त्री भानुभक्त ढकाल र पूर्वमन्त्री महेश बस्नेत जाने कार्यक्रम रहेको छ ।
