काठमाण्डौं । प्रतिपक्षी दल जनता समाजवादी पार्टी (जसपा)ले संसदीय दलको बैठक मंगलबार दिउँसो १ बजेका लागि आह्वान गरेको छ । संसद पुनर्स्थापनापछि विकसित राजनीतिक अवस्था र संसदमा खेल्नुपर्ने भूमिकाबारे दलको बैठक केन्द्रित हुने बताइएको छ । विशेषगरी आगामी दिनमा संसदमा जसपाले कस्तो भूमिका खेल्ने भन्नेबारे बैठक केन्द्रित हुने जसपाका एक केन्द्रीय सदस्यले बताए ।
संसद विघटनपछि अन्योल बनेको राजनीतिक घटनाक्रम सर्वोच्च अदालतले नेकपाको नामको मुद्दामाथि गरेको फैसलासँगै थप अन्योल देखिएको छ । आइतबार सर्वोच्च अदालतले नेकपा नामको आधिकारिताबारे फैसला गरेपछि फेरि पुरानै एमाले र माओवादी केन्द्र ब्युँतिएका छन् ।
