रसुवा । पहिरोका कारण रसुवागढी नाका जोड्ने सडक ठप्प भएको छ । धुन्चे–स्याफ्रु सडकखण्डको चिलिमे जलविद्युत् केन्द्र नजिकै गएराति पहिरो गएको हो ।
पहिरो पन्छाउने काम भइरहेको जिल्ला प्रहरी कार्यालय रसुवाले जनाएको छ । पहिरोका कारण ठूलाठूला ढुङ्गा खसेकाले हटाउन समय लाग्ने भएको प्रहरी नायब उपरीक्षक देवेन्द्र पाण्डेले बताउनुभयो । अहिले दुई वटा एक्स्काभेटर सहयोगमा ढुङ्गा पन्छाउने काम भइरहेको छ ।
