दाङ । दाङमा बस दुर्घटना हुँदा दुई जनाको मृत्यु भएको छ । भने २७ जना घाइते भएका छन् । घोराहीबाट लमहीतर्फ आउँदै गरेको लु १ ख ९८६३ नम्बरको यात्रुवाहक माइक्रोबस हिजो शुक्रवार बेलुका ५ बजेतिरको घोराही–मसोटको ओरालोमा दुर्घटना भएको थियो ।
दुर्घटनामा पारी लमही नगरपालिका ९ पैते निवासी २९ वर्षीय अतिराम चौधरी र सैनामैना नगरपालिका रुपेन्देही निवासी २८ वर्षका यादव खनालको मृत्यु भएको प्रहरीले जानकारी दिएको छ ।
यात्रुबाहक बस कारलाई ओरालोमा ठक्कर दिएर अनियन्त्रीत भइ दुर्घटनामा परेको थियो। दुर्घटनामा २७ जना यात्रु घाइते भएको प्रहरीले जनाएको छ । घाइते मध्य एकजना एकजनाको अवस्था गम्भीर रहेको छ । ओरालोमा बसको ब्रेकफेल हुदा दुर्घटना भएको जिल्ला प्रहरी कार्यालय दाङले जनाएको छ ।
