नौविसे,धादिङ । धादिङको धुनिबेशी नगरपालिका तथा हिमालयन वातावरण संरक्षण प्रा.लिको संयुक्त आयोजनामा सञ्चालित फोहोरमैला व्यवस्थापन तथा वातावरणीय जनचेतनामुलक सरसफाई अभियानको आज बैशाख २ गतेबाट शुभारम्भ गरिएको हो ।
त्रिभुवन राजपथको नौविसे चोकबाट नगरपालिकाका मेयर बालकृष्ण आचार्य, उपमेयर निरु खरेल, प्रमुख कार्यकारी अधिकृत हरिदत्त कंडेल,विभिन्न वडा अध्यक्षहरु, कर्मचारीहरु लगायतले झाडु लगाएर फोहोरहरु टिपेर यस अभियानकोे शुभारम्भ गरेका थिए ।
“फोहोरमैलाको उचित व्यवस्थापनः संस्थागत अभियान”भन्ने नाराका साथ आजबाट यस अभियानको सुभारम्भ गरिएको नगरपालिकाले बताएको छ । नगरपालिकाले फोहोरमैलाको व्यवस्थापन गर्न हिमालयन वातावरण संरक्षण प्रा.लि सगं सम्भौता गरेर फोहोर मैलालाई सिसडोल (ल्याडफिल्ड) साईटमा विर्सजन गर्ने छ ।
फोहोरमैला लिनको लागि नगरपालिको गाडी हप्तामा दुई पटक नागरिकका घर तथा व्यवसायमा उत्पन्न भएको फोहोर संकलन गर्न आउने नगरपालिकाले बताएको छ ।
अभियानको शुुभारम्भ कार्यक्रममा बोल्नु हुँदै नगरपालिकाका मेयर बालकृष्ण आचार्यले नरपालिकाले प्रतेक वर्ष नयाँ र नमुना कार्यक्रम ल्याउने गरेको बताउनु भएको छ । २०७८ सालको शुभारम्भमा फोहोरमैला व्यवस्थापनको काममा नगरपालिका लागि परेको उनको भनाइ छ । स्वास्थ्य जिवनका लागि वातावरण सुन्दर र सफा हुनु पर्ने भएका कारण पनि नगरपालिकाले हिमालयन वातावरण संरक्षण सग्र सहकार्य गरेर फोहोरमैला व्यवस्थापनमा जुटेको बताउनु भएको छ ।
अभियान भोलि धार्के बजार, नौविसेको सिम बजार र खानिखोखा बजार हुँदै पिपलाको मोड सम्म जाने नागरपालिकाले बताएको छ । नगरपालिकाले यस अभियानमा सहभागी हुन् सम्पुर्ण नगरबासीलाई आग्रह समेत गरेको छ ।
