धादिङ । स्वास्थ्य कार्यालय धादिङले सार्वजनिक गरेको तथ्यांकअनुसार आज २३ जनामा कोरोना भाइरसको संक्रमण पुष्टि हुँदा ६६ जना कोरोनामुक्त भएका छन् ।
आज थाक्रेका ८, रुवीभ्यालिका ४, गंगाजमुनाका ३, धुनिबेशीका २, बेनिघाट रोराङका २, त्रिपुरासुन्दरीका २, गल्छीका १, सिद्धलेकका १ जना गरी आज जिल्लामा २३ जनामा संक्रमण पुष्टि भएको छ ।
संक्रमित सबैको एन्टिजेन परिक्षणमा पोजिटिभ देखिएको हो । संक्रमित मध्ये ७५९ जना जिल्ला भित्र र ६९ जना जिल्ला बाहिरका बिभिन्न आईशोलसनमा रहेका छन् ।
यससँगै जिल्लाभर हालसम्म कोरोना संक्रमित हुनेको सङ्ख्या भने ६ हजार ५४० पुगेको छ । आज जिल्लाभर थप ६६ जना डिस्चार्ज भएसँगै हालसम संक्रमणमुक्त हुनेको सङ्ख्या ५ हजार ५६ पुगेको छ भने सक्रिय केश ८२८ रहेको छ ।
जिल्ला भित्र अस्पताल आइसोलेसनमा ११, संस्थागत आइसोलेसनमा २९ र होम आइसोलेसनमा ७१९ जना रहेका छन्। त्यसैगरी जिल्ला बाहिर अस्पताल आइसोलेसनमा १९ र होम आइसोलेसनमा ५० जना रहेका छन्। संक्रमणका कारण जिल्लामा हालसम्म ७२ जनाको मृत्यु भएको छ।
