मकवानपुर । मकवानपुरको मनहरी गाउँपालिकाको खरङ्गामा मोटरसाइकल दुर्घटना हुँदा एक जनाको मृत्यु भएको छ। मनहरी गाउँपालिका–९ खरङ्गास्थित पूर्वपश्चिम राजमार्गमा मोटरसाइकल दुर्घटना हुँदा मोटरसाइकल चालकको मृत्यु भएको हो। दुर्घटनामा परि घाइते भएका मोटरसाइकल चालक महोत्तरी मनरा गाउँपालिका–२ का ३५ वर्षीय अंशु कुमार सिंहको मृत्यु भएको छ।
उनको उपचारको क्रममा चुरेहिल अस्पतालमा मृत्यु भएको मकवानपुरका निमित्त प्रहरी प्रवक्ता प्रहरी निरीक्षक देवेन्द्र दासले जानकारी दिए। मनहरीबाट हेटौंडातर्फ आउने क्रममा सिंहले चलाएको लु १५ प ३७४३ नम्बरको मोटरसाइकल अनियन्त्रित भइ दुर्घटना भएको थियो।
