धादिङ । आज मुलुकका अधिकांश स्थानमा हल्कादेखि भारी वर्षा भइरहेको छ । पछिल्लो ३ घण्टामा तनहुँ स्थित बिमलनगर बर्षामापन केन्द्रमा भारी बर्षामापन भएको बाढी पूर्वानुमान महाशाखाले जनाएको छ ।
आगामी बुधबारबाट मनसुनी न्युन चापीय रेखा नेपालको तराई नजिक रहने हुनाले मनसुन सक्रिय हुने मौसम विभागले जनाएको छ । भई देशको प्रदेश नं १, प्रदेश नं २, बागमती प्रदेश र गण्डकी प्रदेशका धेरै स्थानहरुमा साथै लुम्बिनी, कर्णाली र सुदुरपश्चिम प्रदेशका थोरै स्थानहरुमा हल्का देखि मध्यम वर्षाको सम्भावना रहेको छ । प्रदेश १, प्रदेश २, बागमती, लुम्बिनी प्रदेश र गण्डकी प्रदेशका केहि स्थानहरूमा भारी रधेरै भारी वर्षाको सम्भावना रहेको विभागले जनाएको छ ।
उक्त प्रदेशहरुको पहाडी भू(भागमा पहिरो तथा गेग्रान बहावको जोखिम रहेको, नदीनाला तथा खोलाहरुमा पानीको सतह बढ्न सक्ने तथा यातायात क्षेत्र प्रभावित हुन सक्ने विभागको भनाई छ । विभागले यस्ता क्षेत्रमा सतर्कता अपनाउन आग्रह समेत गरेको छ ।
