धादिङ । धादिङको थाक्रे गाउँपालिका ६ महादेवबेसीमा ट्रकले मोटरसाइकललाई ठक्कर दिँदा दुई जनाको मृत्यु भएको छ । नौबीसेबाट गल्छीतर्फ जाँदै गरेको ना ४ ख ९४४ नम्बरको ट्रकले बा ७३ प २१७६ नम्बरको मोटरसाइकललाई ठक्कर दिँदा मोटरसाइकलमा सवार नुवाकोटको विदुर नगरपालिका १३ का ३५ वर्षीय नारायण शिवभक्ती र उहाँका छोरा १० वर्षीय आर्यनको मृत्यु भएको प्रहरीले जनाएको छ । छोराको घटनास्थलमै र बाबुको उपचारका क्रममा काठमाण्डौको ट्रमा सेन्टरमा मृत्यु भएको ईलाका प्रहरी कार्यालय खानीखोलाले जनाएको छ ।
यस्तै दुर्घटनामा घाईते मोटरसाइकल चालक धादिङको त्रिपुरासुन्दरी गाउँपालिकाका २० वर्षीय जीवन घर्तीको ट्रमा सेन्टरमा उपचार भइरहेको छ । महादेववेशीमा मोटरसाईकललाई ठक्कर दिएर भागेका चालकलाई सिम्लेबाट ट्रकसहित नियन्त्रणमा लिईएको छ । प्रत्यक्षदर्शीका अनुसार चालकले ठक्कर पछि पनि ट्रकलाई ब्याक गरेर किचेका थिए ।
