धादिङ । धादिङका थप ४४ जनामा संक्रमण पुष्टि भएको छ ।स्वास्थ्य कार्यालयले सार्वजनिक गरेको तथ्याङ्क अनुसार आज जिल्लाको रुवीभ्यालीमा १२, धादिङ अस्पतालमा ८, त्रिपुरासुन्दरीमा ६, गंगाजमुनामा ६,धुनिबेशीमा ५, खनियाबासमा ४, ज्वालामुखीमा २ जना र गजुरीमा १ जना गरी जिल्लाका ४४ जनामा कोरोना पोजिटिभ देखिएको छ।
शुक्रबार धादिङमा ३२ संक्रमित थपिएका थिए । यससँगै जिल्लामा संक्रमित हुनेको सङ्ख्या ८ हजार ५९ पुगेको स्वास्थ्य कार्यालय धादिङले जनाएको छ।आज ६८ संक्रमित निको भएसँगै जिल्लाभर हालसम्म कोरोनामुक्त हुनेको सङ्ख्या ७ हजार ३४९ पुगेको छ भने सक्रिय केश ५६७ रहेको छ ।
संक्रमित मध्ये जिल्लाभित्र धादिङ अस्पतालको आइसोलेसनमा १४, संस्थागत आइसोलेसनमा ६ र होम आइसोलेसनमा ५४७ जना रहेका छन्। यसैगरी जिल्लामा संक्रमणका कारण मृत्यु हुनेको संख्या ७९ पुगेको छ।
