थाक्रे, धादि । सिड्स नेपाल धादिङको २७ औं वार्षिक साधारण सभा तथा १० औं बार्षीक सामाजिक लेखा जोखा कार्यक्रम सम्पन्न भएको छ । २७ औं बार्षिक साधारण सभामा संस्थाका कार्यकारी निर्देशक गोकर्ण रुपाखेतीले संस्थाको परिवेश अवधारणा, सँस्थाको परिकल्पना, मुख्य रणनीतीहरु, संस्थाका कार्यक्षेत्र, संस्थाले लक्षित वर्गमा गरेको काम र मुल्य, मान्यता लगायतका बारेमा जानकारी गराउनु भएको थियो ।
कार्यक्रममा कार्यकारी निर्देशक रुपाखेतीले संस्थाले विभिन्न साझेदारी संस्थाहरु सगं गरेका कार्यक्रमका बारेमा जानकारी गराउनु भएको थियो । सिड्स नेपालले जोखिममा रहेकाहरुको लागि सुरक्षा परियोजना र विकासमा साझेदारी लगायतका कार्यक्रम सञ्चालन गर्दै आएको जानकारी गराउनु भएको छ ।
कार्यक्रममा संस्थाले आगामी दिनमा गर्ने काम र कार्य योजनाको बारेमा समेत कार्यकारी रुपाखेतीले जानकारी गराउनु भएको हो । संस्थाले आगामी दिनमा बागमती प्रदेश भरिका १३ वटा जिल्लामा समेत कार्यक्रम लैजाने गरी योजना बनाएको निर्देशक रुपाखेतीले बताउनु भएको छ ।
कार्यक्रममा संस्थाका कोषाध्यक्ष शुसिला सुबेदीले संस्थाको बार्षिक प्रगति प्रतिबेदन प्रस्तुत गर्नुृ भएको थियो ।
