फाइल तस्बिर
अग्रिम टिकट बुकिङमा तोकिएको भन्दा बढी भाडा तिर्न बाध्य भएको यात्रुले गुनासो गरेका छन् । गएको असारमा सरकारले लामो दूरीका गाडीमा २८ प्रतिशतले भाडा बढाएको थियो । तर, दशैँको मौका छोपेर टिकट काउन्टरहरुले त्यो भन्दा पनि बढी भाडा लिने गरेका यात्रुले गुनासो गरेका हुन् ।
महानगरीय ट्राफिक प्रहरी महाशाखाका प्रवक्ता सञ्जिव शर्मा दासले आफू ठगिएको जस्तो लागे नजिकैको यात्रु सहायता कक्षमा गुनासो टिपाउन आग्रह गर्नुभएको छ । टिकट काउण्टर नजिक रहेका यात्रु काठमाण्डौदेखि बाहिर जाने ७७ वटै जिल्लाको भाडादर टाँसिएको र त्यो भन्दा धेरै लिएको पाइएमा कारबाही गरिने उहाँले बताउनुभयो । धेरैजसो टिकट काउन्टर अगाडि सहायता कक्ष राखिएकाले यात्रु ठगिने सम्भावना नभएको उहाँको दाबी छ ।
