धादिङ। काठमाण्डौंबाट धादिङ हुंदै चितवन जानेक्रममा नेकपा अध्यक्ष एवम् पूर्वप्रधानमन्त्री केपी शर्मा ओलीलाई धादिङका एमाले कार्यकर्ताले विभिन्न ठाउँमा रोकेर स्वागत गरेका छन् ।
सोमबार विहान काठमाडौंदेखि सडकमार्ग हुँदै चितवन जानेक्रममा अध्यक्ष ओलीलाई धादिङको थाक्रेको महादेबवेसी, गल्छी, गजुरी लगायतका स्थानमा कार्यकर्ताहरुले रोकेर स्वागत गरेका हुन ।
ओलीको स्वागतमा पार्टीका विभिन्न्न तहका नेता कार्यकर्ता, समर्थक,शुभचिन्तकहरुको भीड लागेको थियो । ओलीसँगै स्थायी समिति सदस्य तथा पूर्वगृहमन्त्री रामबहादुर थापा बादल, स्थायी समिति सदस्य तथा पूर्वअर्थमन्त्री सुरेन्द्र पाण्डे, केन्द्रीय सदस्य प्रभु साहलगायतका केन्द्रीय नेताहरू रहेका छन् ।
भरतपुरको हाकिम चोकमा रहेको चितवन मिडटाउन (सिएमटी) रिसोर्टमा एमाले भरतपुर महानगर कमिटीको प्रथम अधिवेशन उद्घाटन गरेर सम्बोधन गरेपछि केन्द्रीय महाधिवेशनको सम्पर्क कार्यालयको उद्द्घाटन तथा केन्द्रीय महाधिवेशन हुने स्थल नारायणी नदी किनारको अवलोकन गर्ने कार्यक्रम रहेको छ । ओली १६ गते नै माडी अयोध्याधाम पुग्ने कार्यक्रम रहेको छ ।
