तिम्रो हर कदममा मेरो शुभेच्छा
म स्वार्थी भएर पो हो ।
तिम्रो हर रहरमा मेरो आकाँक्षा
म स्वार्थी भएर पो हो।
तिम्रो दुखाईमा मेरो पिडा
म स्वार्थी भएर पो हो
तिम्रो हसाँईमा म फिदा
म स्वार्थी भएर पो हो।
तिम्रो अभावमा मेरो उपस्थिति
म स्वार्थी भएर पो हो।
तिम्रो अनुकुल मेरो परिस्थिति
म स्वार्थी भएर पो हो ।
तिम्रो यात्रामा म सारथी
म स्वार्थी भएर पो हो ।
तिम्रो सफलतामा मेरो आरती
म स्वार्थी भएर पो हो।
तिम्रो समस्या मेरो सवाल
म स्वार्थी भएर पो हो ।
तिम्रो प्रगतिमा मेरो कमाल
म स्वार्थी भएर पो हो ।
तिम्रो खुसिमा मेरो नृत्य
म स्वार्थी भएर पो हो
तिमि प्रेमि मेरो हृदय
म स्वार्थी भएर पो हो ।
तिम्रो यादमा सपना टुटेको
म स्वार्थी भएर पो हो ।
तिम्रो साथ म नियमित जुटेको
म स्वार्थी भएर पो हो ।
तिम्रो बिश्वासको लहरामा म थाक्रा भएको
म स्वार्थी भएर पो हो
तिम्लाई जोगाउन म पर्खाल भएको
म स्वार्थी भएर पो हो
राजेन्द्र रुपाखेती
थाक्रे १०, धादिङ ।
