महेशखोला माथी पक्की मोटरेवल पुल निर्माणका लागि शिलान्यास गरिएको छ। धादिङको थाक्रे १ र गल्छि ८ को सिमाना महेशखोलामाथी पक्की मोटरेवल पुलको बुधबार बागमती प्रदेशका मुख्यमन्त्री राजेन्द्र पाण्डेले शिलान्यास गर्नुभएको हो ।
खयरघारी सिमपानी सडक पुल निर्माणको लागि हिम सगरमाथा ज्वालामुखी जेभीले जिम्मा पाएको छ । उक्त कम्पनीले ४ करोड ७६ लाख ६८ हजार ९ सय ९४ रुपैँयामा निर्माण सम्पन्न गर्ने गरि जिम्मा पाएको कार्यक्रममा बताईएको छ । आगामी वर्ष २०७९ साल माघ १६ गते भित्र पुल निर्माण सक्नुपर्ने छ । ३० मिटरको उक्त पुलमा फुटपाथ लगायतका सँरचना पनि निर्माण हुनेछन् ।
प्रादेशिक सडक डिभिजन कार्यालय धादिङको आयोजनामा भएको शिलान्यास समारोह कार्यक्रममा बागमती प्रदेशका मुख्यमन्त्री राजेन्द्र पाण्डेको प्रमुख आतित्थ्यता रहेको थियो । यस्तै थाक्रे गाउँपालिकाका अध्यक्ष रामकुमार आचार्य, उपाध्यक्ष अम्बिका रुपाखेती, गल्छि गाउँपालिका अध्यक्ष कृष्णहरी श्रेष्ठ, उपाध्यक्ष राधा तिमल्सिना, गल्छि गाउँपालिका वडा नम्बर ८ का अध्यक्ष भरत तामाङ, सहायक प्रमुख जिल्ला अधिकारी ध्रुव प्रसाद कोईराला, प्रहरी, पत्रकार, विभिन्न राजनैतिक दलका प्रमुख तथा प्रतिनिधी लगायतको आतित्थ्यता रहेको थियो ।
तस्बिरहरु : आशिष ठकुरी
