धुनिवेशी नगरपालिकाको १० औँ नगरसभा सम्पन्न भएको छ । नगरप्रमुख बालकृष्ण आचार्यको अध्यक्षतामा भएको नगरसभामा पेश भएका प्रस्तावहरु माथी छलफल सहित पारित भएको हो ।
नगरसभामा नगरप्रमुख आचार्य मार्फत प्रस्तुत निती, कार्यक्रम र चार वर्षे कार्य प्रगती समिक्षा पारित भएको छ । यस्तै नगरउपप्रमुख निरु खरेल मार्फत सभामा प्रस्तुत अर्धवार्षिक कार्य प्रगती समिक्षा पनि पारित भएको छ ।
यसैगरी नगरसभा मार्फत सहकारी ऐन २०७४ का केहि दफाहरुमा सँसोधन गर्ने गरि नगरपालिकाको ८२ औँ बैठकबाट भएका निर्णयहरुलाई अनुमोदन गरिएको छ । यस्तै दिगो विकास लक्ष्यलाई स्थानियकरण, योजना तथा कार्यक्रम परिवर्तन र सँसोधन सँगै थप योजनाहरु स्विकृत भएको छ ।
२०७३ साल फागुन २७ गते घोषणा भएको नेपालकै कान्छो नगरपालिकाको रुपमा रहेको धुनिवेशी नगरपालिकाले उत्कृष्ट कार्य सम्पादन पनि गर्दै आएको नगरपालिकाका प्रमुख प्रशासकिय अधिकृत हरिदत्त कँडेलले बताउनुभयो ।
नगरसभा कार्यक्रममा नगरप्रमुख, उपप्रमुख, प्रमुख प्रशासकिय अधिकृत, वडा अध्यक्षहरु, कार्यपालिका सदस्य, वडा सदस्य, विभिन्न शाखाका प्रमुख तथा प्रतिनिधीहरुको सहभागिता रहेको थियो ।
