मकवानपुर । मकवानपुरको पूर्वी गाउँपालिका बागमतीमा सत्तारुढ गठबन्धन विजयी भएको छ । सत्तारुढ गठबन्धनतर्फ नेकपा माओवादी केन्द्रका उम्मेदवार सर्केश घलान अध्यक्षमा र नेपाली कांग्रेसका उम्मेदवार फणिन्द्र तिमल्सिना उपाध्यक्षमा निर्वाचित हुनुभएको हो ।
सर्केशले नेकपा एमालेका उम्मेदवार खेम जर्गामगरलाई पराजित गरेका हुन् । सर्केशले ७ हजार ३८४ मत प्राप्त गर्नुभयो भने उहाँका प्रतिस्पर्धी खेमले ६ हजार १६६ मत पाउनुभयो ।
यस्तै, उपाध्यक्षमा विजयी हुनुभएका फणिन्द्रले ७ हजार ९३५ मत तथा उपाध्यक्षमा पराजित एमालेकी उम्म्दवार धनमाया स्याङ्तानले ४ हजार ६६९ मत पाउनुभयो । बागमती गाउँपालिकामा माओवादीले ५ वटा, एमालेले ३ वटा र कांग्रेसले एउटा वडामा विजयी हात पारेको छ ।
