निर्वाचन आयोगले आगामी मंसीर ४ गते हुने प्रतिनिधि सभा र प्रदेश सभा निर्वाचनका लागि मुख्य निर्वाचन अधिकृत र निर्वाचन अधिकृत नियुक्त गरेको छ।
असोज ११ गतेदेखि लागू हुने गरी नियुक्त गरेको हो। नव नियुक्त मुख्य निर्वाचन अधिकृत र निर्वाचन अधिकृतहरूलाई असोज १२ र १३ गते हुने निर्वाचन अभिमुखीकरण कार्यक्रममा अनिर्वाय सहभागी हुन आयोगले निर्देशन दिएको छ।
आयोगले प्रतिनिधि सभाका १६५ र प्रदेश सभाका ३३० क्षेत्रका लागि निर्वाचन अधिकृत तोकेको हो। मुख्य निर्वाचन अधिकृतमा जिल्ला न्यायाधीशलाई नियुक्त गरिएको आयोगले जनाएको छ।
