वीरगञ्ज । पर्सा क्षेत्र नम्बर २ का सत्तागठबन्धका पाच दलका नेता कार्यकर्ताले गठबन्धनका साझा उम्मेदवारहरुलाई जिताउन एकजुट भएर लाग्ने प्रतिबद्धता जनाएका छन् ।
गठबन्धनबाट पर्सा क्षेत्र नम्बर २ मा प्रतिनिधीसभा उम्मेदवार काँग्रेसका अजय चौरसिया, प्रदेशसभा सदस्य उम्मेदवार २ को (क) मा काँग्रेसका श्याम पटेल र २ को (ख) मा लोसपाका रमेश कुर्मी चुनावी मैदानमा छन् ।
काँग्रेस, लोसपा, माओवादी केन्द्र, नेकपा एकिकृत समाजवादी र राष्ट्रिय जनमोर्चाका अगुवा नेताहरुले गठबन्धनका उम्मेदवारहरुलाइ जिताउन एकजुट भएर लाग्ने प्रतिबद्धता जनाएका छन् । उनिहरुले पाँच दलीय गठबन्धन यसै पनि बलियो अवस्थामा भएको भन्दै जनताबाट समेत उत्साहजनक प्रतिक्रिया आइरहेकाले यसले जित्ने माहोल झन थप भइरहेको जिकिर गरेका छन् ।
पाँच दलका अगुवा नेताहरुले प्रदेशसभा सदस्यका उम्मेदवारद्वय पटेल र कुर्मी पनि जनताको सेवा सदैव लागि रहने नेता भएका कारण पर्सा २ मा प्रतिनिधीसभा र प्रदेशसभा गरि तीन वटै पदमा गठबन्धनको जित सुनिश्चित भएका छन् । यद्यपि चुनावमा दाँया पनि हुन सक्ने भएकाले पाच दलका सबै नेता कार्यकर्ताले इमान्दिरता भने देखाउने पर्नेमा उनिहरुको जोड दिएका छन् ।
