धादिङको थाक्रे ६ महादेववेशीमा स्वतन्त्र उम्मेद्धार नेत्रराज पौडेलको सम्पर्क कार्यालय उद्घाटन गरिएको छ । बुधबार प्रदेशसभा निर्वाचन धादिङ १ (१) का स्वतन्त्र उम्मेद्धार पौडेलको निर्वाचन सम्पर्क कार्यालय उद्घाटन सँगै शुभकामना आदान प्रदान कार्यक्रम गरिएको हो ।
तिहार, नेपाल सँवत् तथा छठ पर्वको शुभकामना दिँदै उम्मेद्धार पौडेलले आफुले कसैलाई हराउन नभई आफु जित्न उम्मेद्धारी दिएको बताउनुभएको छ । उहाँले विजुलीको चिममा मतदानका लागि पनि आग्रह गर्नुभएको छ । कार्यक्रममा अन्य नेताहरुले पनि सम्बोधन गरेका थिए । कार्यक्रममा स्थानियको सक्रिय सहभागिता रहेको थियो ।
