धादिङ क्षेत्र नम्बर १ का गठबन्धन उम्मेदवारहरुलाई धुनिबेशी नगरपालिका वडा नम्बर २ को महेशफाँटका मतदाताहरुले भव्य स्वागत गरेका छन् । चुनावी घरदैलोको क्रममा विहिबार धुनिबेशी नगरपालिका वडा नम्बर २ का मतदाताहरुले फुलमालाले स्वागत गरेका छन् ।
धादिङ प्रतिनिधिसभा क्षेत्र नम्बर १ का सत्ता गठबन्धनका साझा उम्मेदवार नेकपा एकिकृत समाजवादीका नेता एवं् बागमती प्रदेशका मुख्यमन्त्री राजेन्द्र पाण्डे र प्रदेशसभा ‘१’का गठबन्धनका साझा उम्मेदवार नेपाली कांग्रेसका मधुकुमार श्रेष्ठलाई मतदाताले गाउँवस्तीका समस्या पहिचान पनि गराएका छन् । महेशफाँटको कोणसभा गर्दै उम्मेदवारहरुले पनि मतदाताले पहिचान गराएको समस्यालाई पहिलो प्राथमिकतामा राख्ने प्रतिवद्धता व्यक्त गरेका छन् ।
त्यस्तै कोणसभालाई सम्बोधन गर्दै प्रदेशसभा ‘१’ का उम्मेदवार मधुकरमार श्रेष्ठले मतदाताको समस्या समाधान गर्ने र आवश्यकता परिपूर्ति गर्ने काममा आफु सधैं तत्पर रहेको स्पष्ट पारे ।
मतदाताको घरदैलोमै पुगेर कोणसभालाई सम्बोधन गर्दै बागमती प्रदेशका मुख्यमन्त्री एवं् धादिङ क्षेत्र नम्बर १ का उम्मेदवार पाण्डेले सडक, पुल, खानेपानी लगायतका आधारभुत आवश्यकताभित्र पर्ने आवश्यकता पुरा गर्न आफु प्रतिवद्ध रहेको बताए ।
