धादिङ। आजबाट धादिङबशीमा हुने आठौँ धादिङ महोत्सवको सुरु हुँदै छ । बिहान १२ बजे पुछारबजारबाट झाँकी सहितले बजार परिक्रमा गरि दिउँसो २ बजे महोत्सवको उद्घाटन हुने भएको छ ।
महोत्सवको उद्घाटन बागमती प्रदेशका मुख्यमन्त्रि राजेन्द्र पाण्डेले गर्नु हुने छ । धादिङको दिगो विकास र अर्थतन्त्रको आधार, कृषि जलस्रोत पर्यटन र उद्योगको पुर्वाधार भन्ने मुल नाराको साथ धादिङ उद्योग बाणिज्य संघको आयोजनामा आठौँ धादिङ महोत्सव पौष १७ गते सम्म संचालन हुदैछ ।
उद्घाटन सत्रअघि रुवीभ्याली गाउँपालिकाको तामाङ सस्कृति घोडचढी नाच देखि बेनिघाट रोराङ गाउँपालिकाको चेपाङ सस्कृति सम्मलाई समेटेर झाँकी तथा शोभा यात्रा निकालिने महोत्सव मुल आयोजक समितिले जानकारी दिएको छ ।
