धादिङ । धादिङको धुनिवेशी नगरपालिकामा सञ्चालन भएको राष्ट्रपति रनिङ शिल्ड प्रतियोगितामा भुवनेश्वरी माध्यमिक विद्यालय प्रथम भएको छ । भुवनेश्वरीले १७ स्वर्ण ७ रजत र १ कास्य सहित प्रथम भएको हो ।
यस्तै ६ स्वर्ण ७ रजत ४ कास्य सहित गुड स्टार्ट अँग्रेजी माध्यमिक विद्यालय द्धितीय भएको छ । यस्तै ६ स्वर्ण ५ रजत २ कास्य सहित महेन्द्रोदय माध्यमिक विद्यालय तृतीय भएको छ । प्रतियोगितामा प्रथम, दृतिय र तृतिय भएका विद्यालय र सहभागी विद्यार्थीहरुलाई शिल्ड, मेडल र प्रमाणपत्र सहित सम्मान गरिएको छ ।
यस्तै विभिन्न राष्ट्रपति रनिङ शिल्ड प्रतियोगिता सँगै जिल्ला, प्रदेश, राष्ट्रिय तथा अन्तराष्टिय खेलकुद प्रतियोगितामा पदक जित्न सफल खेलाडीलाई पदक, प्रमाणपत्र र ट्रफी प्रदान गरिएको छ ।
धुनिवेशी नगरपालिकाका मेयर बालकृष्ण आचार्यको अध्यक्षतामा भएको कार्यक्रममा बागमती प्रदेशका साँसद मधुकुमार श्रेष्ठको प्रमुख आतित्थ्यता रहेको थियो ।
