धादिङ । धादिङको थाक्रे गाउँपालिकामा अवस्थित जगत बहादुर थापा स्मृति संस्थाद्वारा मकवानपुरको थाहा नगरपालिका वडा नं. ४ मा अवस्थित श्री बालकुमारी आधारभुत विद्यालयमा हिजो स्टेशनरी सामग्री वितरण गरिएको छ ।
विद्यालय व्यवस्थापन समितिका अध्यक्ष शान्ता बल, विद्यालयका प्रधानाध्यापक कोपिला भेटवाल, विद्यालयमा अध्यापनरत शिक्षक, विद्यार्थीका अभिभावक तथा स्थानीयहरूको उपस्थितिमा उक्त कार्य सम्पन्न भएको हो ।
संस्थाका अध्यक्ष राजु थापा तथा कोषाध्यक्ष अनिता रेग्मीको हातबाट विद्यालयमा अध्ययनरत ५० जना छात्र छात्राहरूलाई कापी, कलम, पेन्सिल, इरेजर, सार्पनर, ज्यामिति बाकस लगायतका सामग्री वितरण गरिएको हो ।
कार्यक्रममा बोल्दै विद्यालयका अध्यक्ष बलले धादिङको थाक्रे गाउँपालिकाबाट मकवानपुरको थाहा नगरपालिकामा आई विद्यालयको शिक्षा सुधारको लागि सामग्री वितरण गरेकोमा व्यक्तिगत तथा विद्यालयको तर्फबाट धन्यबाद ज्ञापन गर्नुभएको थियो ।
जगत बहादुर थापा स्मृति संस्था थाक्रेमा सस्तो र सुलभ एम्बुलेन्स सञ्चालन गर्ने संस्था हो भने संस्था बिभिन्न समयमा यस्तै समाजसेवी तथा विकासको काममा अग्रसर हुँदै आइरहेको छ ।
