धादिङको धुनिवेशी-६ चालिसेमा भएको सवारी दुर्घटनामा १ जना घाईते भएका छन् । काठमाण्डौँबाट धादिङवेशी तर्फ जाँदै गरेको बा ४ ख ९७६९ नम्बरको बसले बागमती प्रदेश-०२-०२१-प-७७४२ नम्बरको मोटरसाईकललाई ठक्कर दिँदा मोटरसाईकल चालक स्थानिय ३४ वर्षिय सिद्धिराज ढकाल घाईते भएको ईलाका प्रहरी कार्यालय खानीखोलाले जनाएको छ ।
घाईते ढकालको धार्केमा रहेको साईबाबा सामुदायिक अस्पतालमा सामान्य उपचार पछि ललितपुरको नख्खुमा रहेको नेपाल मेडिसिटी अस्पतालमा लगिएको छ । टाउकोमा चोट लागेको उनको अहिले सोही अस्पतालमा उपचार भैरहेको प्रहरीले जनाएको छ ।
