धादिङको थाक्रे गाउँपालिकाको आठकिलामा भएको सवारी दुर्घटनामा १ जनाको मृत्यु भएको छ । पोखरा बाट काठमाण्डौतर्फ आउँदै गरेको ग १ ख ९८६८ नम्वरको यात्रु बसले ठक्कर दिँदा धरान उपमहानगर १७ का अन्दाजी २२/२३ वर्षका सुदेश सुनुवारको मृत्यु भएको हो ।
सितापाईला केवल नेटवर्क अन्तर्गत सुपर नेटमा कार्यरत सुनुवार काम सकेर सडक छेउमा रहेकै बेला ठक्कर दिएर करिब २५/३० मिटर लतारेपछि मृत्यु भएको सोही कम्पनीमा कार्यरत नविन थापाले जानकारी दिए ।
ठक्करपछि सुनुवारलाई धार्के स्थित ओम साईबाबा सामुदायिक अस्पतालमा ल्याएपछि डाक्टरले मृत घोषित गरेका हुन् । दुर्घटनापछि स्थानियले केहि समय राजमार्ग अवरोध गरेका थिए ।
ठक्कर दिने बस र बसका चालकलाई प्रहरीले नियन्त्रणमा लिएको छ ।
