धार्के । अहिले राजमार्गमा सवारी साधनको चाप छ । राजमार्ग बन्द गरेर नौबिसेमा निर्माणधिन पुलको बिम राख्ने काम भैरहेकाले सडकमा सवारी साधनको चाप रहेको हो ।
निर्माणधिन पुलको बिम राख्ने काम दिउँसो देखि नै भएपनि यो समाचार तयार पार्दा सम्म चार मध्ये अझै एकवटा पनि राख्न सकिएको छैन । एउटा बिम राख्न बेलुकाको ७ः३० बजे सम्म लाग्न सक्ने ईलाका प्रहरी कार्यालय खानिखोलाका प्रहरी निरिक्षक सिताराम विष्टले बताए । नयाँ प्रविधी भएकाले केहि असहज देखिएको विष्टको भनाई छ । उनका अनुसार बुधबार बिहान ११ बजे देखी पनि राजमार्ग बन्द गरेर पुलको बिम राख्ने कामको लागि छलफल भएको छ ।
पुलको बिम राख्ने कामका लागि राजमार्ग बन्द हुँदा यात्रु तथा सवारी चालकले केहि सास्ती पाएको गुनासो गरेका छन् । यद्यपी साना सवारी साधन सँगै यात्रुवाहक बसले विभिन्न विभिन्न वैकल्पिक सडकको प्रयोग पनि गरेका छन् । यसले गर्दा वैकल्पिक सडकमा सवारी साधनको चाप पनि देखिएको छ ।
यी हुन् वैकल्पिक सडक
– धार्के तर्फ आउने र धार्केबाट काठमाण्डौँ तर्फ जाने सवारी साधनले धार्के–सितापाईलाको सडक प्रयोग गर्न सक्छन् ।
– काठमाण्डौँ तर्फ जाने दुई पाङ्ग्रे तथा साना सवारी साधन धार्केबाट सितापाईला तर्फको बाटो गएर बद्रिटार बाट टायलघर र नगरपालिकाको केन्द्र हुँदै टायलघर निस्कन सक्छन् । सोही रुट हुँदै काठमाण्डौँबाट धार्के निस्कन पनि सकिन्छ ।
– धार्केबाट चालिसे–कोईरालाटार–मछिन्द्रावन हुँदै रेशमखेती निस्कन सकिन्छ । सोही रुट फर्कन पनि सकिन्छ ।
