नुवाकोटको बेलकोटगढीमा वडा अध्यक्ष कप तथा दोश्रो अविसुरा शहिद स्मृति नगरस्तरीय नकआउट फुटबल प्रतियोगिता हुने भएको छ । बेलकोटगढी नगरपालिका वडा नम्बर ४ को विशेष सहयोग र अबिसुरा युवा क्लबको मुख्य आयोजनामा उक्त प्रतियोगिता हुन लागेको क्लबका अध्यक्ष मनोज गुरुङले बताए ।
यहि असोज २२ गते उद्घाटन हुने प्रतियोगिताका लागि असोज १९ गते भित्रै टिम दर्ताको लागि सम्पर्क गर्न सकिने अध्यक्ष गुरुङको भनाई छ । प्रतियोगितामा प्रथम, दृतिय र तृतिय हुने समुहलाई ट्रफि, मेडल र प्रमाणपत्र सहित क्रमश : नगद रु ४०,०००, २०,००० र १०,००० पुरस्कार प्रदान गरिने क्लबका सदस्य विकास गुरुङले बताए । उनका अनुसार उत्कृष्ट खेलाडी, उत्कृष्ट गोल किपर रक्षक, सर्वाधिक गोलकर्ता, उदयमान खेलाडी, अनुशासन खेलाडी र अनुशासित समुहलाई पनि पुरस्कारको व्यवस्था रहेको छ ।
