धादिङ । द राइजिङ भिलेज इङ्ग्लिस बोर्डिङ स्कुलले गल्छी गाउँपालिका स्तरीय पाँचौं राष्ट्रपति रनिङ शिल्ड प्रतियोगिता जितेको छ ।
गल्छी गाउँपालिका वडा नं ८ छाङगेश्वर मन्दिरको प्राङ्गणमा आयोजना भएको पालिका स्तरिय पाँचौं राष्ट्रपति रनिङ शिल्ड प्रतियोगिता ७ स्वर्ण ३ रजत र ५ कास्य सहित राइजिङ भिलेज इङ्ग्लिस बोर्डिङ स्कुलले जितेको हो ।
यस्तै ६ स्वर्ण २ रजत ४ कास्य सहित अमन्तादेवी माध्यमिक विद्यालय द्वितीय र ४ स्वर्ण ७ रजत ५ कास्य सहित जनकल्याण माध्यमिक विद्यालय तृतीय भएका छन् ।
कामर्यक्रममा गाउँपालिका अध्यक्ष केदारनाथ खतिवडा र उपाध्यक्ष भाइकाजी तिवारीले विजेतालाई ट्रफी,मेडल। प्रमाणपत्र र नगद पुरस्कार वितरण गर्नु भएको थियो।
गल्छी गाउँपालिकाको शिक्षा तथा खेलकुद विकास शाखाको आयोजनामा भएको प्रतियोगितामा पालिका भित्रका ९ विद्यालयका विद्यार्थीहरुले विभिन्न विधामा सहभागिता जनाएको शिक्षा शाखा प्रमुख धिरजजंग बस्नेतले बताउनु भयो।
