थाक्रे, धादिङ । राष्ट्रपति रनिङशिल्ड थाक्रे गाउँपालिका स्तरीय प्रतियोगिता २०८१ आज शनिबारबाट सुरु भएको छ । धादिङको थाक्रे गाउँपालिका वडा नम्बर १० को दोभाने खेलमैदानमा प्रतियोगिता सुरु भएको छ ।
पालिस्तरीय प्रतियोगीतामा माध्यमिक तहका कक्षा ९ देखि १२ सम्मका विद्यार्थीहरुले विभिन्न विधामा भाग लिएका छन् । प्रतियोगिताको उद्घाटन समारोहमा कालिका माध्यमिक विद्यालयका स्काउटका विद्यार्थीहरुले मार्चपास र राष्ट्रिय भण्डो तोलन गरेका थिए ।
उद्घाटन कार्यक्रममा बोल्नु हुँदै गाउँपालिका अध्यक्ष रामकुमार आचार्यले प्रतियोगिताको सफलताको शुभकामना समेत दिनु भएको छ ।
कार्यक्रममा थाक्रे गाउँपालीकाका अध्यक्ष रामकुमार आचार्य,वडा अध्यक्षहरु, कार्यपालिका सदस्यहरु,विभिन्न विद्यालयका प्रधानाध्यापकहरु र विद्यार्थीहरुको सहभागीता रहेको कार्यक्रम २९ गते समापन हुने पालिका शिक्षा,युवा तथा खेलकुद शाखा प्रमुख दुर्गादेवी खड्काले जानकारी दिनु भयो।
