धादिङ । नेपाल रेडक्रस सोसाइटी धुनिवेशी उपशाखा, धुनिवेशी ५ धादिङको सातौं वार्षिक साधारण सभा तथा तेस्रो अधिवेशन आइतबार सम्पन्न भएको छ। अधिवेशनले रामेश्वर रुपाखेतीको सभापतित्वमा नयाँ कार्यसमिति सर्वसम्मत निर्वाचित गरेको छ ।
त्यस्तै उपशाखाको उपसभापतिमा सुशिला बाँस्कोटा, सचिवमा राम नेपाली,कोषाध्यक्षमा किशोर कोइराला, उप–सचिवमा विष्णु तामाङ र सह–कोषाध्यक्षमा बद्रि प्रसाद बाँस्कोटा रहेका छन् ।
त्यस्तै सदस्यहरुमा रामचन्द्र आचार्य,मनोज लामा,गोकुल राई,प्रेम प्रसाद भट्ट र सरिता आचार्य सर्वसम्मत निर्वाचित भएको निर्वाचन संयोजक सिर्जना पाण्डे थापाले बताएका छन् ।
उपशाखाका सभापति रामबाबु रेग्मीको अध्यक्षता तथा धुनिवेशी नगरपालिका उपप्रमुख सुरज उप्रेतीको प्रमुख आतिथ्यता रहेको कार्यक्रममा नेपाल रेडक्रस सोसाइटी धादिङ शाखाका सभापति दुर्लब कुमार तामाङ लगायतको सहभागिता रहेको थियो।
