धादिङ । धादिङको थाक्रे गाउँपालिका स्तरीय राष्ट्रपति रनिङ शिल्ड प्रतियोगिताको उपाधी केवलपुर हरिहर भोजकुमारी माध्यमिक विद्यालयले हात पारेको छ ।
विभिन्न ४६ वटा पदकका लागि भएको प्रतियोगितामा केवलपुर हरिहर भोजकुमारीले १४ स्वर्ण ८ रजत र ६कास्य सहित प्रथम स्थान हाँसिल गरेको हो ।
यस्तै १२ स्वर्ण १० रजत १० कास्य सहित जनजागृति माध्यमिक विद्यालय द्धितीय भएको छ । यस्तै १२ स्वर्ण ९ रजत ५ कास्य सहित ब्लुमिङ लोट्स इ. माध्यमिक विद्यालय तृतीय भएको छ । प्रतियोगितामा प्रथम, दृतिय र तृतिय भएका विद्यालय र सहभागी विद्यार्थीहरुलाई शिल्ड, मेडल र प्रमाणपत्र सहित सम्मान गरिएको छ ।
यस्तै जिल्ला स्तरीय राष्ट्रपति रनिङ शिल्ड प्रतियोगिता पदक जित्न सफल खेलाडीहरुलाई सम्मान गरिएको छ । २०८१ को प्रतियोगिता पदक जित्न सफल खेलाडी र विद्यालयलाई प्रमाणपत्र र ट्रफी प्रदान गरिएको छ । प्रतियोगितामा उत्कृष्ट खेलाडीलाई सम्मान गर्नुका साथै प्रथम, द्धितीय र तृतीय स्थान हाँसिल गर्न सफल विद्यालयलाई प्रशंसा पत्र प्रदान गरिएको छ ।
थाक्रे गाउँपालिका अध्यक्ष रामकुमार आचार्यको अध्यक्षता रहेको कार्यक्रममा जिल्ला समन्वय समिती धादिङका प्रमुख नवराज अधिकारी, थाक्रे गाउँपालिका उपाध्यक्ष यान्त्रबहादुर थापा (जिन्दगी),विभिन्न वडाका वडा अध्यक्षहरु,प्र.अ, शिक्षक तथा विद्यार्थीहरुको उपस्थिति रहेको थियो ।
