धादिङ । नेकपा माओवादी केन्द्र निकट नेपाल दलित मुक्तिमोर्चा थाक्रेको प्रथम अधिबेशनले अध्यक्षमा ज्ञानु बैजुलाई चयन गरेको छ ।
अधिबेशनबाट उपाध्यक्षमा राजेन्द्र सुनार, राजभक्त सुनार, सचिवमा गणेश विश्वकर्मा, सह सचिव अनिल परियार र कोषाध्यक्षमा ईश्वरी परियार चयन भएका छन् ।
त्यसै गरी कार्यक्रमका प्रमुख अतिथि अमर विश्वकर्माले अहिलेको संविधानमा जेजति राजनीतिक अधिकार र उत्पीडित जातजातिलाई जति अधिकार स्थापित भएका छन्, ती सबै अधिकार माओवादीका कारण मात्र सम्भव भएको बताएका छन् ।
थाक्रेका आशिस दुधराजको अध्यक्षतामा भएको उक्त अधिवेशनमा दलित मोर्चाका केन्द्रीय उपाध्यक्ष अमर विश्वकर्माको प्रमुख अतिथ्यता, माओवादी केन्द्र धादिङका सचिव दिपक लामिछाने, बागमती प्रदेश सदस्य हरि डल्लाकोटीको विशेष आतिथ्याता रहेको थियो । त्यसै गरी माओवादी केन्द्र थाक्रे इन्चार्ज यन्त्रबहादुर थापा, थाक्रे अध्यक्ष दयाराम कार्की लगायतको सहभागिता रहेको थियो।
