आग्रा, मकवानपुर । धादिङको थाक्रे गाउँपालिकाको महादेववेशी र मकवानपुरको थाहा नगरपालिका जोड्ने पक्की सडक (कालोपत्रे) का लागि धमाधम काम भैरहेको छ ।
धादिङको महादेववेशी हँदै मकवनपुरको मोरिया–दामगाडे–गैरीगाउँ–डाँडाबास जोडन पक्की सडकको प्रतिनिधिसभा सदस्य तथा बागमती प्रदेशका पूर्व मुख्यमन्त्री राजेन्द्रप्रसाद पाण्डेले अनुगमन गर्नु भएको छ ।
अनुगमन गर्नु हुँदै प्रतिनिधिसभा सदस्य पाण्डेले आफु बागमती प्रदेशको मुख्यमन्त्री भएको बेला विनियोजन गरिएको बजेटबाट निर्माण कार्य हुँदै गरेको सडकको बुधबार स्थलगत अनुगमन गर्नु भएको छ ।
बागमती प्रदेश सरकारले महादेववेशी–मोरिया–दामगाडे–गैरीगाउँ–डाँडाबास सडकलाई एकमुष्ट ९९ करोड ९८ लाख १५ हजार ७७७ विनियोजन गरेको थियो । धादिङ र मकवानपुर दुवैतिरबाट निर्माण कार्य जारी रहेको छ । बागमती प्रदेश सरकारको ५० प्रतिशत र संघिय सरकारको ५० प्रतिशत तागत सहभागितामा करिब २७ किलोमिटर सडक निर्माणको चरणमा रहेको छ । मकवानपुर तर्फ काष्ठमण्डप कन्स्ट्रक्शन र धादिङ तर्फ नाना कन्स्ट्रक्शनले निर्माण कार्य गरि रहेको छ । उक्त सडकको क्षेत्राधिकार दायाँबायाँ १५÷१५ मिटर रहेको छ ।
धादिङको थाक्रे गाउँपालिका वडा नम्बर २ र ३,मकवानपुरको थाहा नगरपालिका वडा नम्बर ७ र ८ का साथै कौलाश र रासिराङ गाउँपालिकाका नागरिकले सडकको उपभोग गर्ने छन। वर्षेनी वर्खाको बेला यातायात सेवाबाट विच्छेद हुनुपर्ने थाहानगरको आग्रा क्षेत्रका बासिन्दाका लागि उक्त सडक योजना बरदान सावित हुने थाहा ८ का वडा अध्यक्ष हेम थिङको भनाइ छ ।
धादिङ र मकवानपुरका जनप्रतिनिधि, राजनितीक दलका प्रतिनिधि,स्थानियबासी सहितको टोलिद्वारा स्थलगत अनुगमन गरिएको थियो।
