धादिङ । धादिङको गल्छी गाउँपालिकामा बाल अधिकारका विषयमा कविता लेखन तथा वाचन प्रतियोगिता सम्पन्न भएको छ।
गल्छी बाल समुह सञ्जालको आयोजनामा “बाल अधिकार विषयक” पालिका स्तरिय कविता लेखन तथा वाचन प्रतियोगिता सम्पन्न भएको विशंम श्रेष्ठले बताउनु भयो।
“शब्द शब्दले बोल्ने छ बालबालिकाको आवाज” भन्ने मूलनारा रहेको कविता लेखन तथा वाचन प्रतियोगितामा वडा नं १ की रोजिना खतिवडा प्रथम, वडा नं ६ की सुचना अधिकारी द्वितिय र वडा नं २ का विजन श्रेष्ठ तृतिय भएका छन्।प्रतियोगितामा प्रथम, द्धितिय र तृतिय हुनेहरुलाई पालिका अध्यक्ष केदारनाथ खतिवडा र उपाध्यक्ष भाइकाजि तिवारीले पुरस्कार वितरण गर्नु भएको थियो ।
त्यसै गरी निर्णायकको भूमिका प्रमिला तिमल्सिना र विपिन मल्ल गर्नु भएको थियो। प्रतियोगितामा पालिका भित्रका विद्यार्थीहरुको सहभागिता रहेको थियो।
