धादिङको थाक्रे गाउँपालिका वडा नं. ५ को तसर्पूमा ४ दिने अचार बनाउने तालिम सुरुवत भएकोे छ। आइतबार ११ गतेबाट सुरु भएको तालिम १४ गतेसम्म सञ्चालन हुने छ।
वडा कार्यलयको विनियोजन गरेको ८० हजार बजेटबाट महिला सशक्तीकरण कार्यक्रम अन्तर्गत वडा भित्र रहेका महिलाहरूको लागि ४ दिने व्यवसायिक अचार बनाउने तालिम सुरु गरिएको वडा अध्यक्ष सन्त बहादुर तामाङले जानकारी दिनु भयो।
अचार बनाउने तालिमका प्रशिक्षक रजनी लामाले गाउँमा पाइने अर्गानिक उत्पादनको प्रयोगमा अचार बनाउन सकिने बताउनुभयो । उहाँले स्थानीयस्तरमा उपलब्ध कच्चापदार्थको प्रयोग गरेर अचार बनाउन सकिने बताउँदै महिला दिदीबहिनीलाई व्यावसायिक बनाएर आत्मनिर्भर बनाउने उद्देश्यले तालिम आयोजना गरिएको जानकारी दिनुभयो ।
