धादिङको गल्छी गाउँपालिकाले आर्थिक वर्ष २०८२/०८३ का लागि यस अघि प्रस्तुत बजेट सर्वसम्मतीले पारित गरेको छ । यसअघि असार १० गते प्रस्तुत बजेट पालिकाकै सभाहलमा भएको गाउँसभाले पारित गरेको हो ।
यसअघि असार १० गते गाउँसभाको १३ औँ अधिवेशनमा आर्थिक वर्ष २०८२/०८३ का लागि ७३ करोड ४५ लाख २६ हजार ५ सय २५ रुपैँयाको अनुमानित बजेट प्रस्तुत गरिएको थियो ।
बिहिबार वार्षिक बजेट स्वीकृतिका लागि आयोजित गाउँसभामा सभाका सभाअध्यक्ष तथा गाउँपालिका अध्यक्ष केदारनाथ खतिवडाबाट विविध विषयमा सभालाई सम्बोधन गरिएको थियो । यस्तै २०८२ साल असार १० गते पेश भएको वार्षिक बजेटको सारसंक्षेप सहित उपाध्यक्ष भाईकाजी तिवारीबाट सभालाई सम्बोधन पछि विभिन्न टिप्पणी सहित सभाका केहि सदस्यहरुले पनि सभालाई सम्बोधन गर्नुभएको छ ।
सदस्यहरुबाट आएका टिप्पणीको सम्बोधन गाउँपालिका अध्यक्ष खतिवडा, उपाध्यक्ष तिवारी र प्रमुख प्रशासकिय अधिकृत कृष्णहरी पौडेलबाट सम्बोधन गरिएको छ । यसपछि प्रस्तुत उक्त बजेट सभाका सदस्यहरुबाट सर्वसम्मतीले पारित भएको हो ।
यो पनि :
